Alisema baadhi ya watu wamekuwa wakiupaka matope Ukristo kwa kujiita Wakristo wakati matendo yao hayalingani na kiwango halisi cha Ukristo kama alivyokuwa Kristo mwenyewe. "Huwezi kuwambia watu wewe ni Mkristo au Mlokole wakati unashindia kwenye madanguro, bangi, msengenyo na wizi; hivyo sio viwango vya Ukristo."

Alisema Mlokole au Mkristo yeyote ambaye anajihusisha na vitendo vya wizi, uchoyo, majungu, masengenyo, uvutaji bangi, uzinzi au uasherati, mwenye chuki, majivuno na asiyependa kuwasaidia wenye shida bila kutafuta sifa machoni pa watu, bado hajastahili kujiita Mkristo na kwa kufanya hivyo hana budi kujua kuwa anakufuru hadi pale anapokuwa anatumia juhudi zake zote kufanya matendo yenye kumpendeza Mungu.

Bw. Lwiza aliwataka Waamini wote wa dini ya Kikristo kila mtu kwa nafasi na nafsi yake, kujiuliza wana viwango gani katika Ukristo wao.

"Lazima ujiulize wewe mzee wa kanisa, kijana au mama, una kiwango gani cha Ukristo maana hata kazini wanaajiri watu kulingana na viwango vya kazi na elimu; kama ni diploma, digrii au chochote. Ndivyo ilivyo hata kwa Ukristo, una viwango, siyo kujita tu Wakristo ovyo ovyo bila kuwa na viwango vya Ukristo" alisema.

Akifafanua mahubiri yake, Bw. Lwiza alisema, Kiwango muhimu cha Ukristo ni Kubatizwa, kuamini na kuishi maisha ya kumpendeza Mungu.

Hayo yalisemwa na Bi. Anna Semu mjumbe wa New Life Crusade ambaye ni mjane katika ibada ya Jumapili iliyofanyika katika Kanisa la Kiinjili la Kilutheri Usharika wa Kawe, dayosisi ya Pwani na Mashariki, jijini Dar es Salaam.

Alisema wanawake wengi huanza kujuta pindi wanapofiwa na waume zao kwani hufikiri maisha yao hayana thamani tena na kusema haipaswi kuwa hivyo na badala yake wampokee Yesu kuwa Bwana na Mwokozi wao na mume wa kudumu..

"Tena nataka niwaambie wanawake wenzangu waliofiwa na waume zao wasijute wala kufikiria wataishi vipi kwa kuwa eti hawana waume zao na tena wasibabaike bali wampokee Bwana Yesu kwani ndiye mme bora zaidi wa kuwa naye maana anadumu daima." Alisema

Bi. Semu ambaye ni mwalimu mkuu wa shule moja ya awali inayomilikiwa na kanisa la KKKT la Msasani, alisema wanawake hao hawana budi kudumu katika imani kwa kuwa Yesu anadumu katika ulimwengu wa mwili na ule wa kiroho.

Mwinjilisti Lyimo alitoa wito huo alipokuwa akizungumza katika ibada ya Jumapili iliyopita katika kanisa la K.K.K.T, usharika wa Tabata katika dayosisi ya Pwani na Mashariki, jijini Dar Es Salaam.

Alisema hakuna haja ya kuogopa kumuonya au kumfichua kiongozi yeyote; wa dini au serikali nayekwenda kinyume na maadili ya jamii.

"Watu eti wanaogopa kuwaonya viongozi wao wakihofia eti atakuwa amewashitaki mkubwa wake nae anahofueti asije atafukuzwa kazi. Ni kweli, ndiyo maana siku hizi hata Kanisa limekosa nguvu ya kuonya. Kiongozi yeyote anayekwenda kinyume na maadili ya jamii, anayepotosha; ni lazima aonywe. Hakuna haja ya kuogopa; awe kiongozi wa dini, siasa au nini; wote lazima waonywe ili wafuate maadili."" alisema.

Alisema kuna baadhi ya nchi hapa duniani ambazo hazina makanisa kabisa na nyingine zinayo lakini hayana watu kwa kuwa wamekimbilia mafichoni na ndivyo ilivyo katika familia nyingi hata nchini utakuta baadhi ya familia zina kila kitu isipokuwa vitabu vya dini kutokana na jamii kupoteza imani kutoka kwa viongozi wa dini au hata serikali.

Wakati huo huo: mwinjilisti huyo amewataka wazazi kushirikiana ili kulinda maadili katika familia zao kwa kuwa mzazi ambaye hataonesha mwenendo mwema, ni lazima tabia hiyo mbaya ataiambukiza na kuipotosha jamii nyingine kwa jumla.

"Somo kubwa la watoto wetu ni uwezo wetu wa kuwafunza tabia nzuri. Hata sku moja mlezi usitarajie kuwa kama wewe una tabia mbovu, eti mwanao atakuwa na tabia nzuri, haiwezekani, ataiga hiyo yako chafu na wala usitegemee huyo mtoto awe mcha Mungu huku wewe uko hivyo," alisema

Alionya dhidi ya watu wanaodanganyika na vishawishi vikiwemo vidogovidogo kama chips vinavyowafanya waendekeze maisha ya anasa.

Akitoa mfano wa watu wa namna hiyo huko mkoani Mbeya, Mwinjilisti Lyimo alisema, "Wanawake kule Mbeya wasiojiheshimu; hawa changudoa, kule wanaitwa maiti na wakina baba sasa badala ya kuitwa haya majina ya huku kama eti, buzi, kule wanaitwa mtaji. Ni heri uende kanisani ukaitwe mtaji wa mahubiri kuliko kuitwa mtaji kwa kuhonga."

Mwinjilisti Lyimo aliwatahadharisha wanafamilia kuwa makini na kuepuka migogoro mbalimbali ikiwa ni pamoja na ile itokanayo na watu wanaofuatilia na kubomoa maisha katika familia za wengine kwa kuwagombanisha kutokana na uchonganishi wao.

"Nyumba nyingine kila siku lazima baba na mam wpeane makonde na hii inatokana na kwamba hawajui ni nani anyesababisha makonde hayo yatokee, baba mjnja ni yule atakaye amua kufuatilia na kugundua ni nani anaysababisha na mara nyingi unawez kusikia kuwa ni wifi." alisema.

"Inashangaza sana kuona baadhi ya wanajamii wanawatenga maalbino , hebu fikiria ungekuwa ni wewe ungejisikiaje? Jamani tuwapende wenzetu kwani wao hawakupenda kuwa hivyo".

Naye Mwenyekiti wa Chama cha Ustawi wa Jamii na Uchumi Tanzania (CHAUJUTA) Bw. Nicolas Lameck amesema lengo kubwa la CHAUJUTA ni kuzunguka katika makanisa mbalimbali kuomba misaada ya mwamvuli kwa ajili ya maalbino.

Kwa mujibu wa Bw. Lameck mpaka sasa wameishazunguka katika makanisa saba ambapo Kanisa Katoliki Ukonga limetoa jumla ya miamvuli 160.

Amesema CHAUJUTA inampango wa kuwasaidia walemavu wa shule ya Jangwani vifaa vya kujimudu kuwawezesha kutembea. Ikiwa ni pamoja na kutoa vitabu kwa wanafunzi wa darasa la kwanza hadi la saba wa shule ya jeshi la wokovu, ubalozi wa Uingereza umeahidi kuwasaidia katika zoezi hilo .

Mpaka sasa tayari maalbino wanane wameshapelekwa katika shule ya jeshi la wokovu "Tumeamua kuwakusanya pamoja ili misaada itakapotokea iwe rahisi kuwasaidia watoto hao".

Kwa kuanza CHAUJUTA inawasaidia maalbino wa mikoa ya Dar es Salaam na Pwani na hapo baadaye itakuwa ni kwa nchi nzima.

Bw. Lameck amesema tatizo kubwa kwa sasa chama hakina mfadhili wa kudumu kitu ambacho hakina kinasababisha wanachama watafute misaada kutoka makanisani

Alisema, "Inasikitisha sana kuona akina mama wanakuwa wa kwanza kupotosha watoto wao, kimaadili , mama anadiliki kutoa maneno machafu na hata kutoa matusi mazito mbele ya watoto wake. Mama anakubali binti yake aishi na bwana bila ndoa , azae watoto kila mtoto na baba yake, kwa nini usimshauri mwanao akafunga ndoa na kuishi maisha ya amani kama wewe unavyoishi na mumeo?"

Alisema Kanisa linamtambua mwanamke kama nguzo thabiti na kioo katika malezi ya familia kwani ndio walimu wakuu na kwamba endapo hawatakuwa makini katika malezi yao,wanaweza kuyumbisha, kuiweka imara , kuibomoa ama kuijenga.

Alisema wanawake licha ya kuwafundisha watoto wao kufanya na kuzungumza mambo mema katika jamii, pia wanalo jukumu la kuwahimiza wakue katika sala.

"Eti mwanamke anajiweka kando akidhani kazi ya kuelimisha watoto, ni kazi ya wanaume; wanafanya makosa kufikiri hivyo. Hii ni kazi ya jamii nzima; si baba wala mama peke yake. Wote wahakikishe watoto nao wanatimiza wajibu wao wa kuwatii wakubwa zao."alisema.

Paroko huyo na Shemasi Revocatus Mgukuyaweni, walisema katika milenia hii mpya, wanawake Wakristo wanapaswa kuona kuwa wanamfungua Kristo katika maisha ya jamii.

Aliongeza kuwa endapo jamii itafanikiwa kuwalea watoto katika maadili muafaka, Kanisa na serikali vitawapata watumishi bora wakiwamo masista, watawa, wabunge na mawaziri.