Alisema ni jambo la busara kutoa kadi kwa wote bila kujali kama baadhi ya watu wamechanga ama hapana na kama ni suala la kuhofia chakula ni hekima na busara kumuomba Mwenyezi Mungu kuongeza neema ya chakula ili watu wote waweze kupata.

"Wakati wa harusi watu wasiokuwa na kadi hudhibitiwa milangoni ili wasiweze kuingia kula au kunywa,hiki ni kitendo cha hatari hakiendani kabisa na upendo wa Bwana wetu Yesu Kristo"alisema.

Katibu huyo aliongeza kusema kuwa Yesu Kristo katika mafundisho yake hakufanya hivyo badala yake alipoona watu wana kiu na njaa alivichukua vipande vya mikate vidogo akaomba kwa Mwenyezi Mungu akaviongezea ambapo watu wote walikula na kusaza.

Padre Luanda alisema kuwa chakula hakipo kwa misingi ya kubaguana au kuwagawa wanadamu na kusisitiza kuwa chakula ni kiunganishi kwa wale walionacho na wasiokuwa nacho ambacho huwaunganisha pamoja katika furaha ya Mwenyezi Mungu siyo kutangaza ubaguzi kwa kupeana kadi.

"Mbona kwenye misiba hampeani kadi wala kubaguana kwa chakula" alihoji Padre Luanda

Alisema wakati wa misiba watu huuangaika pamoja ,hushirikiana kwa kila jambo hata wakati wa kulahivyo mfano kama huu si vibaya ukitumia hata wakati wa furaha kama sherehe za harusi bila kuwepo na ubaguzi.

Aidha aliwatahadharisha watu ambao hufunga milango yao wakati wakula huku wakidai chakula ni kidogo, akasema watu wanaosema hivyo huwa hawakiombei chakula kabla ya kula kwa vile wanakiona kidogo.

Padre huyo aliwataka watu wa namna hiyo wajifunze ukarimu majumbani mwao kwa kuwa na desturi ya kumuomba mwenyezi Mungu aliyewapa chakula hicho ili awaongezee na kwamba wasiwe kama Bi. Mkora ambaye alimkumbuka Mungu alipokabwa na mfupa wa samaki lakini wakati hajaanza kula alikuwa akimkejeli Mwenyezi Mungu.

Katika ibada hiyo iliyofanyika katika Kanisa la Kiinjili ya Kilutheri nchini (KKKT) Kariakoo Bw.Kihwehe alisema kuwa waamini wengi wanakimbilia madaraka na wakishayapata wanajisahau.

"Waamini wengi wanakimbilia madaraka ya kanisa na wanaposhika madaraka hayo wanajisahau wakidhani kuwa wameshampokea Yesu" alisema Bw.Kihwele.

Bw. Kihwele aliendelea kusema kuwa baadhi ya viongozi wa dini wakiwa wa ngazi mbali mbali pamoja na wadhifa walionao, hawatendi matendo ya kumpendeza Mungu kama Biblia inavyotaka .

Alisema katika kuondoa vitendo vya namna hii vikundi mbalimbali vya vijana havina budi kuvikemea kwa kutunga na kuimba nyimbo zenye ujumbe wa kulaani kabisa njia hizi potofu.

Alisema pamoja na kwamba vikundi vya kwaya, ngonjera na maagizo nia na madhumuni ni kuwavuta vijana walioko mitaani ili uweze kuwa karibu na Mungu lakini vile vile ni kuandaa watu waweze kuuona ufalme wa Mungu.

Hata hivyo mchungaji huyo alisema kuwa dawa na kinga ya mganga ni Biblia tu na kusali kwa imani bila kujenga fikra ndani ya mawazo yako.

Alisema kanisa lake ambalo linashirikiana kwa karibu na Umoja wa Makanisa ya Pentekoste Tanzania (UMPT) limefikia uamzi huo kwa kutambua kwamba jamii inahitaji kufundishwa kikamilifu na watu waliopevuka katika mafunzo ya kiroho na wenye wito wa kujitolea kwa kazi hiyo.

Alisema wainjilisti hao watakaojitolea kwa kazi hiyo watatakiwa kujifunza kwa kipindi cha mwaka mmoja ili wajue kupambanua mambo matakatifu na mambo ya siku zote, pia wajue yote yaliyosafi na machafu na kuongeza kuwa kwa kuyajua mambo haya watakuwa na uwezo wa kuhubiri vema neno la Mungu.

Alisema sababu nyingine ya kujenga chuo hicho ni kutimiliza maneno matakatifu yaliyoandikwa katika Biblia.

"Biblia inasema shamba la Bwana ni kubwa lina mavuno mengi lakini watenda kazi ni wachache hivyo zinahitajika nguvu za hali na mali kuhakikisha watu wanafundishwa mambo ya Mungu na kuyafanyia kazi kama alivyoangiza Yesu Kristo"alisema.

Mchungaji Daniel aliendelea kusema kuwa pamoja na kujenga chuo hicho mahali hapo kuna mipango mingine ya kuwepo kwa shule ya chekechea ingawa alisema mipango hiyo kwa pamoja haijulikani itagharimu kiasi gani .

Alisema kwa hivi sasa linajengwa kanisa kubwa ambalo alisema litakuwa na uwezo wa kuchukua idadi kubwa ya waumini tofauti na kanisa wanalolitumia kwa sasa japokuwa hakuzitaja gharama za ujenzi zilizotumika wala zinazohitajika kwa vile alihofia kutoa takwimu zisizostahili baada ya kudai kuwa wanaohusika na kamati ya ujenzi hawakuwepo.

Mtumikieni Mungu siyo kufikiria kujenga "mahekalu"-Wito

Mchungaji Swai alisema kazi ya kuhubiri injili inashindikana kwani watu wamekuwa wakiweka misingi yao hapa dunia niya kuangalia jinsi gani ya kujenga nyumba ya milioni 20 na yenye vitu vingi vya thamani kushindwa kumtumikia Mungu ".

Alisema,mwanadamu anaouwezo wa kufanya mambo makubwa hapa duniani lakini anacho takiwa kufahamu ni kwamba hapa dunia si mahali pake anatakiwa kuwa na makao yake mbinguni.

" Mtu aliye na mitazamo mizuri atafanya jambo jema alilokusudia makusudi mema ndio mapenzi ya Mungu"alisema Mchungaji huyo.

Aliendelea kusema Mungu anajisikia heri na baraka mbele ya Malaika akiitwa na watakatifu wake na anajisikia haya akiitwa Mungu na watu wanaopenda kuitumikia dunia hii.

Mchungaji huyo pia aliwahimiza vijana kuwa wakae ndani ya Yesu Kristu ili wasije kularuliwa na shetani kama mbwa mwitu alaruavyo.

"Mwanadamu akikaa hapa duniani inambidi kukaa mguu mmoja nje na mmoja ndani,

,Wapenzi nawasihi muishi kama wasafiri kwani mnatakiwa kuwa na mwenendo mzuri kati ya mataifa kwani sisi wote ni wapita njia anasa zote za dunia utaziacha"alisema.

Aliongeza kuwa mwanadamu anatakiwa atayarishe makao yake mbinguni sio duniani. "Usifanye kana kwamba Yesu anarudi miaka 200 ijayo bali fanya kama Yesu anarudi leo hii" alisema.

Kila jumapili ya mwisho Julai, jimboni Musoma huwa ni kwa ajili ya kuwasaidia masista kujiendeleza kwa namna mbalimbali za utumishi wao. Wazo la mwaka huu ni elimu.

"Ili masista wadumu kufanya vema utumishi wao katika utoaji wa huduma zao mbalimbali zikiwamo ufundishaji, uenezaji injili, utoaji wa huduma za afya na kuwasaidia wenye shida kadhaa, masista wanapaswa kusaidiwa katika kuwapatia elimu ya kutosha.

Wakatoliki wenye mapenzi mema ni jukumu lao kuwasaidia kwa kuwa kazi za masista ni za kujitolea, hawalipwi na sisi tunahitaji huduma zao, sasa watatoaje kama hatuwasaidii?".

Katika jumapili hiyo ambayo masista wa shirika hilo walitawanywa katika parokia zote 30 za jimbo , ili kueleza shida zao, masista kadhaa waliambia Kiongozi kuwa wanaomba jamii iwasaidie na kuachana na dhana potofu kuwa masista wanapata kila kitu.

"Wengine wanadhani masista wana kila kitu eti hawahitaji kusaidiwa... si kweli; tunahitaji kusaidiwa na jamii." Alisema sista Rosemary Nyanzala aliyekuwa parokiani Nyamongo pamoja na sista Suzana Kache, alisema, "Shirika lina masista 34, shuleni na vyuoni; siyo rahisi kuwasomesha wote bila kusaidiwa... wengine wanadhani tunasaidiwa na wafadhili kweli wangejua tunavyoishi kwa shida hata kulazimika kula mlenda..." alisema.

Toeni kwa Mungu mlichonacho -Paroko

Padre Treglia aliwaeleza waumini wa Kigango hicho kuwa kama ni watu wenye mapenzi mema na upendo kwa muumba wao hawana budi kutoa chochote hata kama mbele ya macho yao kinaonekana ni kidogo.

"Tusiogope kuchangia kile tulichonacho ingawa machoni petu kinaonekana kidogo , kukiweka mikononi mwa Bwana"alisema.

Alisema kuwa mara nyingi watu wanapotakiwa kuchangia kitu fulani kwa ajili ya kanisa husema hawana kitu na wengine kuona haina maana kuchangia.

" Dhana hizo potofu ni lazima zipigwe vita miongoni mwenu,mara nyingi tunapotakiwa kuchangia kitu fulani kwa ajili ya kanisa tunasema hatuna basi tujue kwamba Yesu katika kutenda kazi yake anahitaji misaada kutoka kwetu."alisema.

Wakati huo huo: Makamu mwenyekiti wa Kigango hicho Joseph Kiluma amewataka waumini wa kigango hicho kuwa mstari wa mbele kuhakikisha wanajiunga katika jumuiya ndogondogo

Akisoma matangazo katika ibada hiyo,Bw.Kiluma alisema"Ni aibu kwa kanisa au kigango kuwa na watu au wakristo ambao hawataki kufuata maadili ya kanisa lao, Padri haruhusiwi kutoa kipaimara, ubatizo bila kupata taarifa kutoka kwa viongozi wa jumuiya ndogo ndogo.

Aliendelea kusema kuwa "kanisa au Kigango halitakuwa tayari kumsaidia muumini pindi anapopatwa na matatizo bila kupata taarifa kutoka kwa viongozi wa jumuiya ndogondogo iwapo Padri atafanya hivyo basi atakuwa amefanya makosa".

Waimbaji wa Dar-Es-Salaam msijione "vinara"-Padre

Alisema"waimbaji walio wengi hapa Jijini wanajiamini sana kupita kiasi wakidhani kuwa uimbaji wao ni zaidi kuliko waimbaji wa vijijini", na kuongeza kuwa waimbaji wa vijijini wanajituma mno kupita kiasi wakijua jukumu kubwa ni kueneza injili kwa njia ya uimbaji".

Padre huyo anayesoma katika chuo hicho cha Mtakatifu Marks kilichopo Buguruni, alisema vijana wa kwaya ya Tunguli kutoka mkoa wa Tanga wilayani Handeni ni vijana wanajituma na kuonyesha moyo na jinsi gani wanavyoweza kumvuta mtu aliyepotea na kuwa karibu na Mungu.

Kwaya hiyo ya Tunguli ni jina lililotokana mganga mmoja ambaye alikuwa anatumia tunguli katika uganga wake na baada ya kuokoka aliwakusanya waganga wote wanaotumia tunguli kuzichoma moto na kufuata maisha ya kuokoka na baada ya wote kuokoka ndipo walipounda kwaya na kuipa jina la "Tunguli".

Kwaya hiyo ya Tunguli yenye wanakwaya 45 iliambatana na padre wao Jonas Maarifa kutoka Dayosisi ya Morogoro anayeshika parishi 14, mitaa 8 ,ndiyo iliyoimba Jumapili hiyo kanisani hapo .