hawakuwa wa kwetu. Maana kama wangalikuwa wa kwetu wangalikaa pamoja nasi Lakini walitoka ili

wafunuliwe kwamba si wote walio wa kwetu" (1Yoh 2:19).Huenda ni kosa lenye heri hao wakaondoka kuliko kubaki ndani ya Kanisa wakiwa na ngozi ya kondoo kumbe ndani ni mbwa mwitu wakali (Mt 7:15) wanaoleta uharibifu mkubwa vipo vikundi na watu nje na ndani ya kanisa vyenye sura hiyo na vinavyoharibu sura na sifa ya kanisa katoliki kwa jina la Kristo na Maria. Lazima kuviepuka vikundi hivyo.

19. Mtume Paulo akiandika kwa watu na nyakati mbalimbali amewaonya waamini dhidi ya waalimu wa uongo na kuwahimiza waizingatie imani waliyoipokea awali kiasi hata cha kulaani wapotoshaji (Gal 1:6-10). Kwa Wathesalonike kama vivyo hivyo kwetu Paulo mtume anasema 'Basi ndugu simameni imara myashike mapokeo mliyofundishwa ama kwa maneno ama kwa waraka wetu" ( 2Thes 2:15).

Yafaa kuzingatia hapa thamani ya mapokeo yaani jinsi mitume na wafuasi wa Yesu walivyoishi hapa thamani ya mapokeo yaani jinsi mitume na wafuasi wa Yesu walivyoishika imani. Ikumbukwe pia kwamba Biblia ilianza kuandikwa zaidi ya mika ishirini baada ya kifo cha Yesu; Lakini kanisa lilikwisha kuwapo likiishi Injili ya Kristo isiyoandikwa bado. Licha ya hayo Mt. Yohana anatueleza kuwa si yote aliyosema na kutenda Kristo yaliandikwa katika vitabu tulivyonavyo (Yn 2125) Hivyo ni ukaidi wa kibinadamu kukataa ukweli wa ushuhuda wa mitume na jumuia za kwanza za Kikristo kanisa lililoanza baada ya siku ya Pentekoste Mtume Paulo kwa maneno aliyowaandikia Wathesalonike anatuthibitishia kuwa Neno la Mungu twalipata toka Biblia Takatifu na mapokeo dhidi ya msimamo wa 'Sola Scriptura' (Biblia tu).

Ametufunulia kwa uwazi zaidi ili tumwamini kwa njia ya Yesu Kristo ( Yh 3:11) na aonyeshe kweli anamnyenyekea na kumwungama wazi Yesu Kristu katika mawazo, maneno na zaidi sana kwa matendo mema (Rum 2:6;Yak2:14 -26).

21. Imani tuliyonayo ni zawadi toka kwa Mungu anayetupenda. Amependa kuturudisha kwake kwa njia ya mwana wake Yesu, mzao wa Bikira Maria. Huyu Yesu akawafundisha na kuagiza kwamba wote wanaomsadiki kuwa yeye ndiye njia,ya ukweli na uzima (Yn 14:6) wabatizwe (Mdo 2:37-41;Mk 16:15-16). Nao ubatizo unadai kuyageuza maisha yote yamwelekee Mungu; unadai mbatizwa aache maisha ya dhambi. Mt. Paulo anabainisha kuwa ubatizo ni kufa na kuishi upya na Kristo: "Hasha! Sisi tulioifia dhambi tutaishije tena katika dhambi? Hamfahamu ya kuwa sisi sote tuliobatizwa katika Kristo Yesu tulibatizwa katika mauti yake? basi tulizikwa pamoja naye kwa njia ya utukufu wa Baba, vivyo hivyo na sisi tuenende katika upya wa uzima " (Rum 6:2-4). Ubatizo unatutaka tusirudie kuwa watumwa wa dhambi bali tuwe watumwa wa Mungu (Rum 6:22).

22. Wakatoliki sasa wanatishwa na wahubiri wapya kuwa wamepotea na hawawezi kuingia mbinguni. Lakini mtu haendi mbinguni kwa kuwa tu mlokole au mwanachama wa kanisa fulani, ama kwa kuwa fulani kakwambia hivyo. Kufika kanisani kusoma Biblia na kuimba tu hakutoshi. Kigezo Kristo anachotupa cha kwenda mbinguni ni kumsadiki yeye na kutimiza mapenzi ya Baba wa Mbinguni (Mt 7:21). Hii inadai kuzingatia madai ya ufanisi wa Yesu yaani Upendo kwake unaodai kujikana nafsi zetu (Yn 13:34-3 5;Mt 20:37-39; 22:34-40;Lk 10:25-27), na kuacha dhambi (Lk 13:1-5)

Wengi wa waumini huasi dini baada ya kushindwa madai ya ufanisi wa Yesu na kuacha dhambi. Lakini kuingia dhehebu fulani kwa kuwa umeshindwa kuishi unavyotakiwa kwa mfano kuacha mitala ni kutafuta tu pango la kujificha ili ukatulize dhamiri inayokaidi kuishi mpango wa Mungu kuhusu ndoa kama alivyoumba tangu mwanzo (Mt 19:3-9), Mk 10:1.12). Ni kujaribu kujificha tatizo uendelee kuishi katika dhambi ukipozwa kidogo na kuwa kule kanisani usikoambiwa wazi kuacha mitala. Udhaifu wako unabaki palepale . Inashangaza kusikia kuwa watu wanatafuta makanisa ambako dhambi inaruhisiwa au kuhimizwa au ambako dhambi haionwi kuwa dhambi kwa kupidisha neno la Mungu kwa werevu (2Pet 2:1) Ukweli ni kuwa imani inaokana kwa unyenyekevu wa kukubali kuwa naishia katika dhambi na kuomba huruma ya Mungu ili anisaidie kuishinda dhambi maana mtu akiwa katika hali ya dhambi na huku anasema hana dhambi au hajatenda dhambi basi anajidanganya ukweli haumo ndani mwake na anamfanya Mungu awe mwongo (1Yoh 1:8-10).

Lazima tusisahau kwamba Viongozi wanatokana na jamii. Namna Viongozi wanavyotumia madaraka na mamlaka yao inaonyesha namna ambavyo jamii ilivyo. Mambo watu wanayafikiria wanayoyasema na wanayotazamia viongozi wao wafanye ndiyo aina hiyo hiyo ya uongozi wanaoweza kujipatia.

Kama watu ni wakimya na wasiotaka kubainisha matakwa yao basi hawa watasubiri kuongozwa tu, na hivyo watachagua uongozi ambao utawaongoza kwa kuwaburuza hasa katika maamuzi na kuunda Sera. Daima hawana fursa ya kuka na watu na kujadiliana nao kwa makini. Watu ambao ni washiriki wazuri katika kuunda Sera na kuyawekea mahitaji yao kipaumbele basi watajipatia uongozi ulio tayari kuwasikiliza na kushirikiana nao katika matakwa yao.

Kama jamii ni ya watu wabinafsi ni wazi itakuwa na viongozi wabinafsi. Viongozi wanademokrasia ya kweli wanatokana na jamii ambayo ina moyo wa Kidemokrasia na inafikiria wengine pamoja na kujifikiria yenyewe.

Tunapaswa kuanzia kwetu wenyewe na kujiuliza:

Tunawezaje kuishi pamoja? Kama tunataka kuishi pamoja na kwa amani ndani ya jamii ambamo tunajaliana na kuhakikisha kuwa kila mmoja anapata nafasi halali basi tunapaswa kutafuta viongozi ambao watatusaidia kukamilisha nia hiyo. Mfano ni namna gani tunataka kuelimisha watoto wetu, kutibu na kutunza wagonjwa wetu au kusaidia maskini waliomo miongoni mwetu?

Ni sisi pekee tunaopaswa kujibu maswali hayo, kisha kutafuta watu wanaoweza kutuongoza na kutuunganisha kupanga mipango yetu kwa nia ya kufikia malengo yetu.

Lakini Je, nini kinatokea kila mara?

Huwa hatujisumbui kukaa pamoja kwa lengo la kutafakari kuona nini tunataka na kufikiri vipi tunaweza kufanikisha. Tunabaki tu kusema hiyo ni kazi ya Serikali. Lakini kwa vipi? Uzoefu unaonyesha kuwa ni kwa kiasi kidogo mno Serikali inaweza kupanga na kutekeleza kwa manufaa ya wananchi wa kawaida. Pengine mpaka ilazimishwe kufanya hivyo. Kwa hiyo ni muhimu kujiunga pamoja mapema na kutambua agenda yetu ya Maendeleo kabla ya Kampeni za uchaguzi kuanza. Bila kufanya hivyo tutaendelea kuwa na uongozi usiowajibika kwa wananchi wakiendelea kusingizia uhaba wa fedha. Huku ni kulikengeusha tatizo- kuliweka miguu juu na kichwa chini.

Lazima tuanze na sisi wenyewe. Baada ya hapo tunaweza kuangalia kwa namna gani Serikali au wawakilishi wa kisiasa wanaweza kutusaidia.

Kama tunajua mahitaji yetu, tutaweza pia kuelewa nani anaweza kutuwakilisha vema. Kama tunawajibika vema katika kusaidiana sisi kwa sisi tutaweza kwa urahisi nani tumpige kura awe kiongozi wetu.

Kama tunatafuta manufaa yetu binafsi na kushughulikia malengo ya kibinafsi hapo tutawapa kura wale ambao tunadhani watatunufaisha sisi binafsi na kushindwa kabisa kujali mahitaji ya wengine.Kuweza kuuliza uwajibikaji wa wengine sharti sisi wenyewe kwanza tuwajibike . Kutaka uaminifu wa wengine lazima kwanza sisi wenyewe tuwe waaminifu. Kutaka wema na uzuri wa wengine ni lazima tuanze kwanza kutendeana wema sisi kwa sisi.

Hivi leo tunashuhudia kuwepo kwa Rushwa kwa kiwango cha juu nchini Tanzania. Na hii ni kwa sababu watu wengi wanashiriki katika vitendo vya rushwa na kwa kufanya hivyo tunaruhusu rushwa iendelee kushamiri.

Kama sisi tusingekuwa wapenda rushwa tusingeruhusu wengine kuendeleza vitendo vya rushwa. Katika Tanzania tutaweza tu kujenga jamii nzuri kamaWatanzania walio wengi watataka na kujitahidi kuishi wema kwa matendo. Katika kufanikisha azma ya kujenga jamii njema wale wote wenye nia wanapaswa kuunganisha nguvu zao na kuzuia ubinafsi kupata nguvu na kujijenga. Na hii si kwa njia nyingine bali ni kwa njia ya kushiriki uchaguzi na katika kufikia maamuzi na uundwaji wa Sera.

Mtu binafsi kamwe hawezi kuwa mwanademokrasia kwa vile Demokrasia inapatikana katika kuwajali na kuwaheshimu wengine kwa kuwa fikra na dhamira ya kuishi pamoja vizuri, Mtu mbinafsi daima hutaka kuwatumia wengine kwa manufaa yake.

Yesu aliposema 'Mpende Mungu na Jirani yako' alitaka kutueleza na kusisitiza kuwa haya mawili yanakwenda pamoja. Hatuweza kumpenda Mungu kama hatumpeni Jirani yetu, na ni yule tu anayempenda kweli Mungu ndiye anayeweza kutenda matendo ya upendo ya jirani yake.

Haya yote yanaweza kuonekana kama mahubiri safi lakini je twawezaje kuyafikia haya katika hali halisi hapa Tanzania? Wengi wetu tunaweza kucheka na kuthubutu kusema hii ni ndoto tu. utekelezaji wake hauwezekani kabisa.

Hii ni lugha ya kukata tamaa lakini tunahitaji kuliangalia jambo hili kwa makini zaidi hasa kwa sababu katika Tanzania ya leo wengi wetu hatuamini kabisa kuwepo uwezekano wa kuishi pamoja na vizuri. Hatuamini tena kama sisi ni watu walio na umoja, Tunachoamini ni kwamba tumegawanyika walio na mali pamoja na madaraka kwa upande mmoja na wale wasio na chochote kwa upande mwingine.

Lakini tunapaswa kusema sote kwa pamoja kwamba hatuhitaji jamii ya namna hiyo.Tunachotaka ni jamii ambamo kila mmoja anaheshimiwa na kupatiwa nafasi inayothaminiwa.

Jambo la pili ambalo tunapaswa kuliangalia ni namna ya kufanikisha azma hiyo. hii ndiyo hatua tunayoita uundwaji wa sera hatua ambayo tunafikiri kuwa ni muhimu kwa jamii kuweza kubainisha kipaumbele ili kujua lipi litekelezwe kwanza. Ni juu ya watu kueleza kwamba kwao kipaumbele ni jambo lipi na wataalamu wapo kuwasaidia kuweka mipango yao vizuri hivyo kwamba lengo linafikiwa.

Mara nyingi Vyama vya Kisiasa kueleza na kuandika vizuri kabla ya uchaguzi kuwa watatoa kipaumbele katika mambo gani ikiwa kama ndiyo ilani ya Chama chao. Wanachojaribu hapa ni kuteka mawazo ya watu ili waweze kupata kura zao.

Kama watu wanapigia kura Chama ambacho wanaona Ilani yake inaeleza vizuri mahitaji yao, basi ilani hiyo inapaswa kuheshimiwa na kuwa programu ya kutekelezwa na wale wanaowekwa katika Uongozi Kisiasa. Hii ni sawa kwa Chama kinachopata wingi wa kura na wawakilishi lakini vile vile kwa vyama vile vilivyopata kura chache. Wote wanapaswa kuheshimu matakwa ya wapiga kura.

Je, tunayoshuhudia yanatokea katika utendaji ndio hayo? Mfano tukichukulia uchaguzi wa 1995 na Ilani za vyama mbalimbali, je Ilani zimekuwa ndio mwongozo wa wawakilishi wa Kisiasa? au wamedharau mengi katika hayo na kutilia maanani matakwa yao binafsi na ya watu wachache au ya makundi fulani.

Mwaka 1995 nchi ilikumbwa na mambo halisi ambayo yaliletwa na matukio au hali ya kushindwa kutekeleza malengo yetu ya awali au pengine hata kwa sababu ya mabadil