Vijana Zanzibar washinda juu ya dari kukwepa Polisi

Katika tukio moja, kijana mmoja Ali Kidishi, aliteremshwa na polisi kutoka juu ya dari la nyumba yake katika eneo la Mwanakwerekwe A..

Polisi walifika katika eneo hilo ili kupekua nyumba za wanachama wa chama cha upinzani cha CUF na ofisi za chama hicho.

Pia, katika eneo hilo, polisi walivamia kituo cha kufundishia mchezo wa Judo saa 11:00 jioni na kuwafurumusha watu waliokuwepo hapo.

Ongezeko la watu toka Bara lazorotesha huduma Z'bar - Waziri

Aliseama hayo wakati akichangia mjadala wa Sera ya Ongezeko la Idadi Watu Zanzibar, uliokuwa umeandaliwa na Wizara ya Nchi na Vitega Uchumi katika hoteli ya Bwawani.

Alisema Serikali ya Mapinduzi ya Zanzibar, inashindwa kutoa huduma za kijamii kama vile maji, madawa na elimu, kutokana na kuwepo wahamiaji wengi kutoka Bara.

Waziri huyo ameshauri kuanzishwa kwa utaratibu wa hati za kusafiria yaani pasipoti kwa watu kutoka Tanzania Bara kuingia Visiwani kama ilivyokuwa awali.

Alisema bila kuchukuliwa hatua hiyo, huduma za kijamii Zanzibar haziwezi kuboreshwa, kwa sababu bajeti ya Serikali ya Mapinduzi ya Zanzibar (SMZ), inaelemewa na mzigo wa watu.

Polisi wanafunzi 200 watimuliwa

MKUU wa Chuo Cha Polisi Moshi (CCP) Samwel Masatu amewafukuza masomo askari wanafunzi (kuruta) ziidi ya 200 kutoka Mikoa ya Kilimanjaro na Arusha.

Habari kutoka CCP zinasema kuwa kufukuzwa kwa askari hao kutokana na kutokuwa kwao na sifa za kujiunga na jeshi hilo.

Habari zilizothibitishwa na maofisa wa CCP na Mkuu wa wilaya ya Moshi, Bw. Henry Clemence Orauya, zimesema kuwa waliofukuzwa ni pamoja na wale ambao hawakupitishwa na kamati za ulinzi na usalama katika ngazi za wilaya hadi Mkoa.

Wengine waliofukuzwa ni wale waliogundulika kuwa na michoro mwilini kama vile nge na tandu,vijana wafupi na ambao majina yao hayakuwepo katika orodha za makamanda wao wa mikoa. Kwa upande wa vijana wa Arusha imeelezwa kuwa vijana ambao hawakuwasiliana na Kamanda wa Mkoa huo, Bw. Juma Ng'wanang'waka. "Kwa kweli habari hizo za kufukuzwa wanafunzi hata sisi tumezisikia kama ulivyosikia wewe, kama unahitaji ukweli mwone kamanda wa chuo au mkuu wa chuo... lakini mimi kama mjumbe wa kamati ya ulinzi na usalama tuliendesha usaili barabara na kukabidhi kunakohusika" alisema Bw. Orauya.

KAULI ya Naibu Waziri wa Kazi na maendeleo ya Vijama, Mheshimiwa Williamu Lukuvi kwamba Dar es Salaam hivi sasa haina ombaomba, leo imewafanya waheshimiwa wenzake wamgongee meza na kumpigia kelele za 'ahaaahaa' ambazo mara nyingi hutolewa wakati mtu anapoboronga ama kutoa maelezo ya uongo Bungeni.

Mheshimiwa Lukuvi ambaye alikuwa akijibu swali lililomtaka kuelezea mpango wa wizara kuhakikisha ombaomba hawarejei tena jijini akasema zoezi lililopita liliwafagia wote na hivi sasa Dar hakuna hata mmoja. Baada ya kauli hiyo wabunge wakagonga meza na kutoa sauti za 'aaahaahaa' kuonyesha kuwa analolieleza Bunge si la kweli. Hata Mheshimiwa Lukuvi akaendelea kujikanyaga na kusema ni kweli ombaomba wameondoka wote na hatarejea tena Dar es Salaam

Wabunge wa CCM, Upinzani wataka Chenge ajiuzulu

BAADHI ya wabunge wa CCM, wameungana na wale wa upinzani kumtaka Mwanasheria Mkuu Adrew Chenge ajiuzulu au awajibishwe kwa kubadilisha sheria bila kushirikisha bunge.

Wakichangia taarifa ya kamati ya Bunge ya mambo ya Katiba na Sheria juu ya masahihisho yasiyo halali ya sheria namba 23 ya 1997, bungeni jana wabunge hao walisema hatua hiyo ni kuingilia mamlaka ya Bunge na kuichezea Katiba.

Akiwasilisha taarifa hiyo bungeni Mwenyekiti wa Kamati ya Mambo ya Katiba na Sheria, Arcado Ntagazwa alisema ya kuwa baada ya sheria kuwa baada ya sheria hiyo kupitishwa na Bunge masahihisho ya kifungu cha 6 (1) (b) ya sheria hiyo yalifanywa na mwandishi mkuu wa sheria za Bunge akidai kuwa,amepewa maelezo kutoka serikali.

Ubadhilifu wazidi kukithiri serikalini - Cheyo