Waziri anayeshughulikia masuala ya nchi za nje wa SMZ, Balozi Isaack Sepetu, alidai katika Ukumbi wa Idara ya Habari (MAELEZO) jijini kuwa chama cha CUF kiliwahi kutamka hadharani kuwa kitakomesha utawala wa mtu mweusi Tanzania Visiwani, jambo ambalo linaashiria ubaguzi wa hali ya juu wa rangi na ambao unaonekana kuwa kiini kikubwa cha kukwama kwa usuluhishi wa mvutano wa kisiasa visiwani humo.

Alidai pia kuwa CUF kimewahi kutangaza kuwa wanawake wa visiwani wajiandae kuishi kizuka(bila waume) kwa vile kuna hatari kuwa waume zao wote watakufa kwenye vita vya wenyewe kwa wenyewe.

Kauli kama hizo, alisema Sepeku zinaonyesha kuwa CUF si chama kinachowatakia Watanzania mema.

Hata hivyo, SMZ na CCM wamekuwa wakishutumiwa kwa kuvunja haki za binadamu na kukandamiza demokrasia, kiasi cha kukatiwa misaada na nchi mbali mbali hususan zile za Nordic.

Hali hiyo imelifanya jina la Zanzibar kuwa chafu katika Jumuiaya ya kimataifa.

Serikali hiyo imesema kuwa haijali sana kukatiwa misaada kwa vile nchi nyingine kama China,India,Iran, Libya, Misri na Japan zimekuwa zikiisaidia.

Akiongea na mwandishi wa habari hizi nyumbani kwake hivi karibuni, mmoja wa wanakamati wa Kamati ya Maandalizi ya Jubilei hiyo Bibi Grace Katina, alisema, mavazi yatakayooneshwa ni yale yanayotunza heshima ya wanawake na sio yale yanayotia aibu na kuwadhalilisha.

Alisema kama ilivyo kwa maonesho ya mavazi ya "walimwengu," akina mama Wakristo waliovalia mavazi hayo watapita mbele ya jukwaa ili kuweza kuyaonesha.

Bibi Katina, ambaye ni mfanyabiashara wa mapambo ya akina mama, amesema katika maadhimisho hayo kutakuwa na maonesho ya mavazi(Fashion show) ambayo yanafaa kuvaliwa na akina mama pamoja na akina dada yaani mavazi ya Kikristo.

Mbali na maonesho hayo, pia kutakuwepo na mada mbalimbali zitakazotolewa zikiwa ni pamoja na "Umoja na Mshikamano" ambayo itatolewa na Askofu Charles Salala wa African Inland Church (AIC),

"Wajibu wa Mwanamke" itakayotolewa na Mwenyekiti wa Wanawake Wakatoliki Tanzania (WAWATA) Mama Olive Luena, wakati Padre Lugendo, wa Kanisa la Anglikana Kurasini, atazungumzia "Amani."

Uenezaji wa Injili, ni mada ambayo itatolewa na Mama Grace Kulambo wa shirika la Kiinjilisti la African Evangelistic Enterprises-AEE).

Vile vile Bibi Katina alisema kuwa kutakuwa na maombi maalum ambapo Kanisa Kikatoliki litaombea amani ndani ya familia pamoja na Taifa kwa ujumla, Kanisa la Baptisti litaombea tishio la maisha ya wengi pamoja na waliopatwa na ugonjwa wa Ukimwi, wajane na wengine waliokata tamaa kutokana na hali ngumu ya maisha. Kanisa la Kilutheri litaombea Umoja na Mshikamano wa Makanisa udumu.

Kuwaombea wanawake wote wawe walezi bora wa familia zao, ni maombi ambayo yatafanywa na Kanisa la Moroviani na maombezi kuhusu Uchaguzi Mkuu ujao yatafanywa na Kanisa la Presybiterian.

Alisema Askofu Mteule wa Jimbo la Geita , Mhashamu Damian Dallu, alipozungumza na gazeti hili ofisini kwake jijini katikati ya juma alipotakiwa kuzungumzia Uchaguzi Mkuu ujao wa Rais, wabunge na madiwani na kutoa hisia zake baada ya kuteuliwa kwake kuwa askofu.

Alisema jamii haina budi kumchagua kiongozi ambaye hata yeye mwenyewe anaamini na kuthamini ukweli kwamba maendeleo hayana budi kutiliwa mkazo kwa watu na wala sio kwa vitu kama jamii nyingi zinavyoelekea kuthamini mali kuliko utu.

Akisisitiza umuhimu wa kuthamini maendeleo ya watu kuliko vitu, Mhashamu Dallu, alisema, "Hata kiimani ni wazi maendeleo yanayokubalika ni maendeleo ya watu kiroho na kimwili na sio vitu kwa sababu hatuwezi kusema eti Watanzania tuna maendeleo kwa kuangalia magari na majumba; vingine vikiwa ni mali za wizi, mpaka pale tutakapoona watu wanapata mahitaji muhimu kwa njia inayompendeza Mungu. "

"Viongozi hao hata kama ni madiwani, au Rais au hao wabunge, tuchague wale wanao lilia maendeleo ya jamii sio wale wanaotaka wao wenye wawe matajiri wa kupindukia. We kiongozi hukupelekwa kule kupaparamia vitu na kuwa tajiri wa kupindukia, hasa kwa Mkristo uliyeiva!

Lazima kiongozi aone kuwa ni dhambi asipotimiza wajibu kwa watu wake. Na suala hili si tu, eti ni Wakristo pekee au Waislamu, bali watu wote; hatuwezi "ku- locallize" vitu vya namna hii" "Mtu anyetaka kugombea nafasi yoyote iwe ni urais,ubunge au udiwani ajiulize maswali kwanza atawasaidiaje watu wa Mungu,kama kweli wewe umeumbwa na mungu unatakiwa umsaidie mwenzako kwa nafasi yako uliyopo,isiwe ni kutumia porojo,wakati kundi kubwa la watu wanaumia ukisahau kabisa maana ya kutawala",

Askofu Mteule Dallu ambaye ni Mkuu wa Taaluma katika seminari Kuu ya kiteolojia ya Segerea na mwalimu wa maadili, alisema kuwa na mali sio mwisho wala ruksa ya kutotazama maendeleo na hadhi ya watu wengine, bali iwe ni alama nzuri ya kuwashirikisha watu katika kuyafanya mapenzi ya Mungu.

"serikali haina budi kushughulikia zaidi maendeleo ya mtu na kumpa nafasi ya kufanya maendeleo yake binafsi bila kutoa uhuru kwa mtu binafsi kuingilia na hatimaye kuvuruga mahaitaji ya jamii," alisema.

Aliwashauri Watanzania kuondoa kasumba ya kutegemea kuongezwa kwa mishahara kila yanapofika maadhimisho ya Siku ya Wafanyakazi, bila kujali hali halisi ya uchumi na pato la taifa.

Akitoa hisia zake kufuatia kuteuliwa kwake kuwa askofu Jimbo la Geita, Mhashamu Dallu , alisema, "Ingawa mwanzo wa taarifa hizo zilinishitua nikahofu kama mtu mwingine yeyote, sasa ninafarijika kwa kuwa najua sitaifanya kazi hiyo peke yangu bali kwa ulinzi na msaada wa Bwana Yesu maana sasa ninaenda kuwa Mwalimu wa watu wengi mno; tena wa ngazi tofauti; wakubwa kwa wadogo tofauti na hapa (Seminari ya Segerea) ambapo nilikuwa mwalimu wa kikundi fulani cha watu."

Mei 6, mwaka huu, Baba Mtakatifu Yohane Paulo wa Pili, kupitia ubalozi wake nchini, alitangaza uteuzi wa Damian Dallu (44),aliyekuwa Padre na Mwalimu wa Taaluma katika seminari Kuu ya Segerea kuwa Askofu Jimbo la Geita

Katika Uchaguzi huo uliofanyika mwaka jana, CCM ilishinda na kujinyakulia viti vyote katika eneo hilo.

Bw.Kondo maarufu kwa jina la KK, alisema anaamini kuwa ubunge alipewa na Mungu kupitia kwa wapiga kura, na hivyo atazidi kujipendekeza kwa sala na huduma bora kwa wananchi ili Mungu ampe tena nafasi hiyo ya ubunge kwa mara nyingine katika Jimbo la Kigamboni jijini Dar-Es-Salaam.

Alisema, kwa nguvu za Mungu, hata kama mpiga kura hamtaki, atajikuta tayari amekwisha mpigia kura. "Hata kama ulikuwa unataka kumpa tiki kijana au mgombea mwingine, utasahau tu; na utajikuta ukinitiki mimi", alisema na kuongeza.

"Nimetumia uzee wangu kuleta maendeleo jimboni kwangu kwa kuwa nikienda kwa Waziri au Rais, naambiwa pita mzee. Mzee anathamani mno na huu uzee umenisaidia kutimiza wajibu wangu katika kata ya Mbagala."

Aliyataja baadhi ya maendeleo anayoamini kuwa yametokana na juhudi zake katika eneo lake kuwa ni pamoja na kuweka klinki ya wazazi, shule, barabara na visima na huduma nyingine.

Uchaguzi mkuu wa Rais,Madiwani na Wabunge unatariwa kufanyika Oktoba mwaka huu na hii itakuwa ni mara ya pili tangu uingie mfumo wa vyama vingi.

Chama cha Maendeleo kwa Watu wanaoishi na Virus vya Ukimwi (SHDEPHA+), kimesema kina wasiwasi ya kutokupungua kwa bei ya dawa ya kuwasaidia wagonjwa wa ukimwi kwa nchi zinazoendelea ikiwemo Tanzania na kusema hicho ni kitendawili.

Mwenyekiti wa SHDEPHA+ kitaifa Bw. Joseph Katto, ameliambia KIONGOZI ofisini kwake jijini kuwa ana wasiwasi kuwa, huenda Wizara ya Afya ikagawa dawa hizo majeshini, kwa viongozi wa ngazi za juu na kuwasahau waathirika wenye kipato duni na kuongeza kuwa hali hiyo badala ya kupunguza, inaweza kuongeza bei ya dawa hizo.

Bw. Katto alidai kuwa kwa mujibu wa habari ambazo zimekuwa zikifikia ofisi yake bila kuthibitishwa popote, serikali ya Tanzania imekuwa ikiagiza dawa hizo hata kabla Marekani haijapunguza bei yake lakini, haijulikani ni akina nani wamekuwa wakizitumia.

Hata hivyo Bw. Katto amewasisistiza Watanzania kujua kuwa dawa hizo si kwa ajili ya kutibu ukimwi bali tu, zinawasaidia kuzuia kasi ya magonjwa yanayomshambulia mgonjwa wa ukimwi na kumuongeza nguvu na siku za kuishi mgonjwa.

"Tusifungue milango ya uasherati kwa kujipa matuini kuwa dawa imepatikana, hiyo siyo ya kutibu, ni ya kupunguza makali yaukimwi.

Wakifafanua maendeleo hayo, walisema hatua kubwa imepigwa juu ya uboreshaji wa huduma mbalimbali sokoni hapo ikiwemo ile ya choo iliyokuwa tatizo lililoota mizizi wakati wa uongozi wa Mkurugenzi aliyepita Bw.Idan Munisi.

"Enzi za uongozi wa Munisi hali yahuduma ya sokoni hapa ilikuwa mbaya sana ,vyoo vyote vilifurika lakini baada ya kuja huyu Mkurugenzi mpya hali imebadilika na kuwa nzuri sana ,vyoo vinafyonzwa mara mbili ama tatu kwa wiki,havijai kama ilivyokuwa zamani"alisema Mwenyekiti.

Mwenyekiti huyo aliendelea kusema kuwa Mkurugenzi huyo mpya anatembelea soko hilo mara kwa mara na hii yote ni kuangalia hali ya usafi na matatizo ya wafanyabiashara.

Alisema Katika kuonesha ni jinsi gani anajali soko hilo, mwanzoni mwa wiki hii ilitoa vifaa vya usafi ambavyo ni tolori mbili, viatu vya buti pea nne, umma nne za kuzolea takataka na mifagio miwili ya cheleo.

Hata hivyo thamani ya vifaa hivyo hawakuweza kutaja mara moja thamani ya vifaa hivyo.

Katibu wa soko hilo alisema mbali na kupokea vitendea kazi hivyo, uongozi wa soko pia umempelekea maombi Mkurugenzi huyo ya kupatiwa huduma ya maji,umeme na kifusi.

Alisema soko hilo limekuwa likabiliwa na uhaba wa maji takribani miaka ishirinii sasa hali inayowalazimu wafanyabiashara hao kununua maji kwa sh.50-150 kwa ndoo moja kwa ajili ya kusafishia mbogana matunda sokoni hapo pamoja na matumizi mengine.

Wakizungumzia suala la umeme, Katibu huyo Bw.Joseph Boneface alisema kuwa ni tatizo ambalo limedumu kwa zaidi ya miaka mitano na endapo utapatikana utakuwa umepunguza tatizo la ulinzi wa mashakani ambao unasababishwa na kutanda kwa giza wakati wa usiku.

Alitoa ufafanuzi juu ya kifusi,katibu alisema kitatumika kufukia mashimo kadhaa yaliyopo sokoni hapo

Alisema moja wapo ya madhara makubwa ya ugonjwa wa Ukimwi katika familia, ni kulelegalega kwa ndoa nyingi hasa pale mmoja wa wanandoa anapobaini kuwa mwenzake ana ukimwi na hivyo kutokuwa tayari kushirikiana naye kimwili na hali hiyo ndiyo inayochochea wakimbilie kwa watoto wasio na uwezo wa kuamua kwa usahihi.

Alisema wengine hukimbilia kuwabaka hata watoto wachanga kwa kuwa wanaamini kuwa wale bado hawajaathirika na ugonjwa wa ukimwi na hivyo kuwafanyia viumbe hao kitendo hicho cha kinyama kisichomtofautisha mwanadamu huyo na mnyama wa porini.

Aliongeza kuwa ingawa kila mtu atakufa, ipo haja ya kumwamini na kumtegemea Mungu katika maisha yao ya baadaye na akaitaka jamii isijidanganye juu ya matumizi ya kondomu, alizozifananisha na ndege iliyobeba bomu kwani hakuna uhakika wa kutoambukizwa ukimwi kwa mtu anayetumia.

Kiongozi huyo wa Kanisa Katoliki, aliwataka watu wasio na Ukimwi kuhakikisha hawaupati ugonjwa huo na wale walio nao wasikate tamaa wala kuambukiza wengine.

Aliwataka akinamama hao wa Shauri Jema kuwa washauri wema wa wagonjwa wa Ukimwi na wala wasiwakatishe tamaa na badala yake wawatie moyo ili waweze kufa kwa matumaini.

"Ushauri wenu ni lazima uwe mzuri, ujifanye nawe una ukimwi, kwa njia hiyo mtawasaidia watu. Tukumbuke dawa haijapatikana mpaka sasa. Unapoongea na mgonjwa usimdanganye kuwa atapona wakati unajua ukweli kuwaatakufa, ataacha familia, utajiri na mali nyingine, kiroho anakata tamaa anahitaji msaada sana’ alisema Padri Muftaha.

Naye Mratibu Faraja Trust Fund, Batholomeo Tarimo, wakati akizungumza katika semina hiyo, alisema pamoja na kwamba akinamama ni watu wenye huruma lakini wanapaswa kuwa macho katika swala la Ukimwi kwenye maisha yao ya ndoa.

Alisema baadhi ya waajiri wamekuwa wakikataa kwa makusudi kusafirisha maiti za wafanyakazi wao wanapofariki dunia kwa kusingizia kuwa hawana fedha kitu ambacho alisema si kweli na ni kinyume cha mkataba wa kazi kati yao na kwamba ni kuwanyima wafanyakazi haki yao na kutothamini mchango wao kwa kuwa wamekufa.

Bw. Rushakuzi aliwataka wafanyakazi kuwa na umoja na mshikamano katika kudai haki zao na kwamba ikilazimika wabebe maiti ya wafanyakazi ambao ni ndugu zao, waipeleke kwenye ofisi husika hadi watakapokubali kusafirisha maiti hiyo.

Alisema wakati umefika wa kudai haki kwa nguvu zote lakini akawatahadharisha wakati wote wanapodai haki zao, waepukane vitendo vyovyote vya ukiukaji wa sheria za nchi na uvunjaji wa amani.

Katika uchaguzi huo, Bw. Eliapenda Kimaro alichaguliwa kuwa mwenyekiti wa TUGHE wa mkoa, na Bw. Daudi Chiremeji kuwa mjumbe wa Baraza Kuu.

Wengine waliochaguliwa kuunda Kamati hiyo ya utendaji ni Charles Musiba, Milton Peter, Mwemwa Mulemwa, Perusi Milambo, Hasani Juma na Donald Makuja.

Taarifa zaidi kutoka kwa Kaimu huyo zinasema jumla ya wilaya 45 nchini zinanufaika na huduma ya simu zenye kutumia STD na wanaendesha zaidi ya vituo 500 vya simu za kulipia zikiwemo zile za boksi.

Kampuni hiyo ambayo kwa hivi sasa inatarajia kutoa huduma ya simu za mkononi imeahidi kujiingiza ipasavyo katika mashindano ya mtandao katika ngazi ya kitaifa na kimataifa ili kuboresha huduma zake kwa kutumia mitambo yenye uwezo wa kuanzia Kbps 64 hadi Mbps 2 na zintarajiwa kufikia Mbps 8 (E2).

Zoezi hili tayari limeishafanyika katika mikoa ya Dar-Es-Salaam, Arusha, Mbeya, Zanzibar na Mwanza nalinatarajiwa kufanyika katika mikoa yote ya Tanzania.

Kampuni ya Simu nchini TTCL imekuwa ikisifiwa kwa kuwa imeboresha zaidi huduma zake na watu wengi hivi sasa wanasubiri kwa hamu simu zake za mkononi.