Habari zilizopatikana mjini Musoma na kuthibitishwa na naye pamoja na Mwenyekiti wa Parokia,Bw.Raphael Mashauri,zinasema paroko huyo wa kwanza parokiani hapo,tangu mwanzo wa parokia mwaka 1998,aliamua kuuza pikipiki yake (Honda) ili kuchangia juhudi za wafadhili na waamini kupanua kanisa hilo.

Shilingi milioni 28 zimekwisha tumika na mbali na mchango wao wa nguvu kazi uliokoa shilingi milioni 2, waumini pia wamekuwa wakitoa michango ya mahindi, mtama, mihogo na kuwapikia mafundi tangu kuanza kwa shughuli hiyo mwaka jana.

Padre Zajac alisema katika mazungumzo na Kiongozi pamoja na Bwana Mashauri kuwa ongezeko la Waamini limechangiwa na ongezeko la watu katika eneo hilo ndio maana imebidi kupanua kanisa.

Parokia hiyo iliyopo kwenye eneo lenye kubwa ya maji na barabara, mwaka jana ilianza utaratibu wa mzunguko wa PICHA YA FAMILIA TAKATIFU (Yesu, Maria na Yosefu) katika jumuiya zake zote na kwa ibada maalum, picha hiyo hukaa kwa kila kaya kwa siku moja.

Viongozi hao wa parokia walisema kuwa mzunguko wa picha hiyo unawaimarisha waamini kiroho "unajua hata ile picha inasuta nafsi mbaya" alisema Paroko.

Licha ya upanuzi wa kuta, paa na mnara parokia inatarajia kujenga tanki ili kuvuna maji ya mvua yenye ujazo wa lita 90,000 na akawaomba wafadhili wasaidie shughuli hiyo inayodai kugharimu shilingi milioni 5, pamoja na umeme.

Hivi karibuni Askofu wa Jimbo Katoliki la Musoma Mhashamu Justin Samba aliwahimiza waamini hao kutumia nguvi zao kujileta maendeleo alipotembelea parokia hiyo.

Ingawa aliusifu ushirikiano wa Waamini, Viongozi hao walishauri baadhi ya waumini wa vigango vya pembezoni mwa parokia hasa Bisumwa na Nyabange kuacha tabia ya kumwita padre kwa ibada ya mazishi kisha kuchanganya mila

Naye Mwandishi Wetu anaripoti kuwa;Seminari ya Mtakatifu Pius X ya Makoko iliyopo katika Jimbo Katoliki la Musoma, imepata Mkuu (gombera) mpya kutoka Jimbo la Geita, Padre Raphael Mfumakule,imefahamika.

Padre Mfumakule ameteuliwa kuwa Mkuu wa seminari hiyo badala ya Padre Thomas Kabika Biringi, aliyemaliza kipindi chake cha uongozi Seminarini hapo.

Padre Bilingi ambaye ameiongoza seminari ya Makoko kwa muda wa miaka minne tangu Julai 1996 - Julai 2000, ataendelea kutoa huduma yake ya kichungaji kama paroko wa Parokia ya Nyarubere iliyoko jimboni Geita na atakuwa Mkurugenzi wa Katekesi jimboni humo.

Katika ibada ya kumsimika Gombera mpya na kumuaga anayemaliza kipindi chake cha uongozi wa seminari hiyo, Askofu wa Jimbo Katoliki la Musoma, Mhashamu Justin Samba hivi karibuni, alimshukuru Padre Bilingi kwa kazi nzuri aliyoifanya kuiongoza seminari ya Makoko kwa kipindi cha uongozi wake.

Mbali na kumshukuru Padre Bilingi, Mhashamu Askofu Samba aliwataka walimu, wanafunzi na wafanyakazi wote wa jumuiya ya Seminari ya makoko, wawe na ushirikiano mwema na wamsaidie kwa karibu zaidi gombera huyu mpya ili aizoee na kuimudu kazi mapema, Pd. Raphael Mfumakule.

Wakati walimu wanahuzunika kumuaga mpendwa wao Padre Bilingi ambaye alikuwa Mwanzilishi wa PAI (Personality, Ability, Interest) na FIC (Foresight, Insight, Creativity), wanafunzi wengi walionesha kumsikitikia hasa walipokumbuka sera yake, "mnilishe kama nguruwe, niwatumikie kama Punda".

Katika furaha hizo zilizokuwa na mchanganyiko wa huzuni, Gombera mpya alimuasa Gombera muagwa, "Endelea kubuni FIC na PAI bila kusahau sala".

Akizungumza wakati ibada ya misa takatifu ya kusimikwa kwa Askofu Damian Dallu, Askofu Mpya wa jimbo la Geita,Mhashamu Damian Dallu ,Askofu NiweMugizi alisema kuwa ni muhimu wapiga kura kupigia kura viongozi wanaofaa badala ya kutoa kura zao kwa shinikizo la pombe na khanga walizopewa.

"Usipige kura yako kwa shinikizo la kusema kwamba mgombea fulani alinipa pombe na khanga zake sasa na mimi ngoja nilipe fadhira kwa kumpigi kura"alisema Askofu NiweMugizi.

Alisema kufanya hivyo ni kuuza uhuru wako ambapo matokeo yake ni kuathirika kwa uchumi wa taifa na watu wake kwa sababu viongozi wake hawana sifa na kuongeza kuwa maisha ya binadamu hayawezi kuthaminiwa na kitu chochote kile.

Misa ya kuwekwa wakfu kwa Askofu Damian Dallu ilihudhuriwa na jumla ya maaskofu 22 kutoka majimbo mbalimbali ya kanisa Katoliki nchini akiwemo Balozi wa Vatican nchini Askofu Mkuu Luigi Pezzuto.

Mbali na viongozi wa Kanisa pia alikuwepo Rais wa Jamhuri ya Muungano wa Tanzania, Rais Benjamin Mkapa ambaye alifuatana na mkewe mama Ana Mkapa na Mkuu wa mkoa wa Mwanza Bw. Stephen Mashishanga ambapo viongozi hao waliwakilisha serikali.

Mhashamu Askofu Damian Dennis Dallu alisimikwa rasmi na kuwekwa wakfu kuwa Askofu wa pili wa jimbo la Geita Julai 30 mwaka huu na Mwadhama Polycarp Kardanali Pengo. Kusimikwa kwake kuwa Askofu wa jimbo hilo kunafuatia kuwa wazi kwa kiti cha Askofu wa jimbo hili kwa takribani miaka 4 iliyopita.

Uwazi wa kiti cha Askofu wa Jimbo hilo kulitokana na uhamisho wa Askofu Aloysius Balina ambaye ndiye alikuwa muasisi wa jimbo hilo lililoanza miaka 15 iliyopita. Askofu Balina alihamishiwa jimbo la Shinyanga Septemba 1997 na tangu kipindi hicho kiti cha Askofu wa jimbo hilo kilikuwa wazi. Askofu Balina aliendelea kuwa msimamizi wa kitume wa jimbo hilo hadi lilipopata Askofu wake Julai 30 mwaka huu.

Alisema,CCM inawatafuta watu wa kuwaunga mkono wakati watu hao hawana mvuto kabisa na chama hicho.

"Hawa wanalazimisha wanaotafuta kuungwa mkono na watu wasio na itikadi za chama chao ndiyo maana walichapisha hata kadi za bandia na kupinga matokeo". Alisema na kuongeza kuwa wapiga kura hao walikuwa wakibadilika kwa vile walinunulia na kupandikizwa kwa tamaa.

Hata hivyo Mkurugenzi huyo hakufafanua kwa undani juu ya hayo madai yake dhidi ya CCM.

Mkurugenzi huyo wa vijana wa Taifa wa CUF aliendelea kutamba kuwa chama chake kitahakikisha kinaisambaratisha CCM, katika kinyanganyiro cha Uchaguzi wa Rais, Wabunge na Madiwani katika uchaguzi mkuu utakaofanyika Oktoba 29 mwaka huu. Bwana Akwilombe aliendelea kusema kuwa ziara zilizofanywa na Mgombea Urais kupitia chama hicho, Profesa Ibrahimu Limbupa zimekiletea mafanikio makubwa chama hicho kwa vile kilifungua matawi yasiyopungua 72 mkoani Mwanza na kwamba hivi karibuni chama hicho kinatarajia kufanya ziara Kanda ya Ziwa na Magharibi Mkoani Kigoma.

Zoezi zima la kupiga kura za maoni lililomaliza lilitawaliwa na vituko vya hapa na pale ambapo baadhi ya wagombea katika majimbo walilalamikia vitendo vya rushwa na kuwepo kwa kadi za bandia na kupandikizwa wapiga kura. Zoezi hilo pia lilimalizika huku baadhi ya wagombea ubunge wakongwe kushindwa kutetea viti katika majimbo yao hali iliyopelekea vyombo vya habari kutupiwa lawama juu ya utoaji wa takwimu za waliokuwa wanaongoza katika kinyanganyiro hicho.

Hata hivyo alipozungumza na waandishi wa habari kati kati ya juma lililopita ofisi ndogo ya makao mkuu ya CCM Lumumba , Katibu Mkuu wa CCM Bw. Philipo Mangula alisema suala la mgombea kuongoza katika kura za maoni hakikuwa kigezo cha kuhalalisha ushindi kwa vile majina ya wote waliogombea yatapelekwa katika vikao vya chama na mshindi atapatikana kulingana na vigezo vya uwezo na uadilifu katika chama.

Wakati huo huo,Waandishi Wetu wanaripoti kuwa;Ili kuondoa dhana iliyojengeka miongoni mwa Wananchi kwamba Chama cha Wananchi(CUF) ni cha Kiislam,viongozi wa chama hicho wametoa ruhusa kwa wagombea nafasi mbalimbali kutumia vifungu vya Biblia vinavyo fanana na vile vya Quran.

Kauli hiyo ilitolewa jijini hivi karibuni na Katibu wa chama hicho, Maalim Seif Sharif Hamad wakati alipokuwa akizungumza na Waandishi wa habari hizi. Katibu huyo alisema kuwa wakati mwingine chama chake hutumia vifungu vya Quran katika mikutano yake na hii siyo kwasababu ya udini bali vifungu hivyo hutumika kwa vile vinaigusa jamii."Mbona utawala wa Hayati Mwalimu Julius Kambarage Nyerere alikuwa akitumia mifano katika vifungu vya biblia ambavyo vinaigusa jamii na wananchi hawakusema kuwa chama cha CCM ni chama cha kidini? Alihoji.

Aliongeza kuwa kwa sasa Mtu au mwanachama yeyote atakayejisikia kutumia vifungu vya biblia anaruhusiwa bila ya matatizo yoyote kwani chama hicho si cha kiislamu bali ni cha watu wa dini zote.

Akizungumzia suala la shughuli za uchaguzi mkuu utako fanyika Oktoba mwaka huu,Bw.Hamad alisema kuwa chama hakita jihusisha suala la uchangiaji gharama zozote zile zinazohusiana na uchaguzi.

Alisemea pesa ambayo wataendelea kuchanga ni ile ya shi.100 kwa mwezi ambayo huchangwa na kila mwanachama kwa ajili ya maendeleo ya chama.

"Ndiyo maana unakuta kuna ziara ya kiongozi yoyote yule wa chama cha CUF na kukawa na shamrashamra nyingi za magari, ngoma, bendi vyote hivyo si gharama ya chama hicho ,ni michango inayotolewa na wanachama wenyewe binafsi ambao ni wakereketwa,hali hiyo imekuwa ikijengeka kwa watu wengi kuwa chama hicho kinatumia fedha yake ya ruzuku kwa ajili ya shughuliza mikutano na sherehe"alisema.

Sambamba na hayo aliongeza kusema kuwa chama hicho kiko macho kuwaona, kuwadaka na kuwachukua viongozi wote wazuri watakaojiengua CCM na kujiunga katika chama chao.

"Kama wataonekana ni wazuri na wanafaa katika Uchaguzi ujao,tuko tayari kuwapa majimbo kugombea ili tupate ushindi kwani hilo ndilo lengo letu muhimu"alisema

Pezzuto kuzindua Radio Ukweli

Premji aliahidi kutoa shilingi 25,000 kila mwezi kwa kipindi cha miaka mitano

"Mimi na"Mimi naahidi kutoa 25,000 kila mwezi kuanzia hivi sasa kwa kipindi cha miaka mitano" alisema.

Hata hivyo Mbunge huyo alionyesha bayana kwamba ahadi yake itatimizwa kama alivyo ahidi hata kama hatafanikiwa kupata tena kiti chake katika uchaguzi mkuu wa Rais, Wabunge na madiwani.

Mbali na Bw. Premiji, Mbunge wa Kibondo Bw. Elikado Ntagazwa naye aliahidi kutoa shilingi 450,000 kwa ajili ya shule hiyo ambapo alifafanua kuwa shilingi 150,000 ni kwa niaba ya mkewe ambaye ni mwalimu na shilingi 300,000 ni kwa niaba yake mwenyewe.

"Unajua mke wangu ni mwalimu, hivyo anaelewa sana umuhimu wa Elimu, ingawa akuweza kufika hapa lakini kwa vile mimi nipo naomba nimwakilishe, ninaahidi kutoa shilingi 150,000 kwa niaba yake na shilingi 300,000 kwa niaba yangu mimi mwenyewe" alisema Bw Ntagazwa.

Kutokana na ahadi za wabunge hao kulifanya jumla ya fedha iliyoahidiwa kwa siku hiyo ikijumlishwa na ile ya waalikwa wengine kufikia zaidi ya milioni tano amabpo pesa taslimu iliyochangwa kwa siku hiyo ni sh. 365,000.

Akitoa neno la kumkaribisha mgeni rasmi ambaye alikuwa ni Mkuu wa Mkoa wa Kogoma Bw. Abubakari Mugumia, Askofu wa Jimbo Katoliki la Kigoma, Mhashamu Paul Ruzoka alisema kuwa shule hiyo ambayo inampango wa kuanzisha chuo kitatoa mafunzo ya Sayansi ya jamii kwa Waalimu alisema kuwa inahitaji kwa karibu ushirikiano wa wananchi. Mkuu wa shula hiyo Bw. Sebastian Zabayanga aliwaambia waalikwa katika harambee hiyo kuwa shule hiyo yenye eneo lipatalo hekari 198 ilianzishwa mwaka 1994 na usajili ulifanyika 1996 ambapo ilisajiliwa kama shule ya sekondari na chuo cha Ualimu.Alisema shule yake mbali na kutumika kama sekondari lakini hata hivyo tangu mwaka 1997 imekuwa ikitumika pia kama kituo cha kuendeleza walimu.

Bwana Zabayanga aliendelea kusema kuwa shule hiyo ambayo ina wanafunzi wa kulala na kutwa inatoa masomo ya Historia, Jiografia na Kiingereza (HGL) kwa upande wa kidato cha tano na sita ambapo ada ni sh. 80,000 kwa wale wa kutwa, na shilingi 160,000 kwa wale wa bweni.

Alifafanua kuwa endapo pesa itapatikana shule ina mpango wa kujenga bweni la wasichana wapato 40 ambapo shilingi milioni 41 zinahitajika, maktaba na samani zake( milioni 2.57), zahanati na vifaa vyake (milioni 50), gari dogo(min bus) (milioni 20) na vifaa vya ofisini(milioni3) ambapo aliongeza kuwa ili vitu vyote hivi vikamilike zinahitajika shilingi milioni 116,500,000.

Mgeni rasmi katika Harambee hiyo Bw. Abubakari Mugumia alisema ofisi yake itato mchango wa hali ya juu katika kuendeleza Elimu mkoani humo ambapo kwa siku hiyo alitoa ahadi ya shilingi 200,000.

"Walemavu tumesahaulika katika huduma nyingi zilizo na umuhimu na manufaa kwetu lakini huduma hizo wanapewa watu ambao si walemavu kwani walemavu tunatakiwa tupewe haki sawa na walio wazima" ni kauli iliyotolewa na mmoja wa walemavu wa macho ambaye hata hivyo alikataa jina lake lisindikwe gazetini.

Mashindano hayo yaliyofanyika katika ukumbi wa Starlight jijini hivi karibuni yaliwahusisha walemavu wa macho na viungo mbalimbali kutoka mikoa kadhaa nchini ambapo jumla ya watu 24 walishiriki na kati yao 18 ni wanaume na sita wanawake.

Walemavu hao walisema kuwa wao wamekuwa wakisahaulika kwa muda mrefu bila kupata msaada wa kiroho hali ambayo wataulizwa na Mungu endapo watakufa bila dini na kuongeza kusema kuwa endapo wataulizwa swali ama hilo watajibu"viongozi wa dini waliwaficha gizani bila kuwapa msaada".

Katika mashindano hayo ambayo mgeni rsmi alikuwa ni Rais mstaafu wa awamu ya pili, Alhaji Ali Hassani Mwinyi,mshindi wa kwanza na wapili walipewa zawafi ya Radio kaseti na tiketi ya kwenda na kurudi Macca kwa ajili ya kufanya hija ndogo

Naye Mkurugenzi Mkuu wa World Muslim Congress Sheikh Mohamed Lukara aliwataka walemavu wa viungo wanaoona kujitokeza ili waweze kupata elimu zaidi na ujuzi mbalimbali.

Mbunge wa Ilala kwa tiketi ya Chama cha Mapinduzi (CCM)alitoa kompyuta moja kwa ajili ya kusaidia walemavu hao ambayo alisema ikae katika ofisi za World Muslem Congress na itumike kuwapatia mafunzo walemavu wote ikiwa ni pamoja na kuwaongezea ujuzi.

Mashindano hayo yalihudhuriwa pia na mabalozi waliopo hapa nchini kutoka nchi za Algeria, Saud Arabia, Palestina na Yemen ambapo Rais Mwinyi aliwataka waislamu kote ulimwenguni kushikamana na dini pamoja na mwenyezi Mungu na kutojihusisha na ugomvi ambao utawagawa.

Viongozi wanao tumia rushwa wamefilisika kimaadili

Alisema kuwa T.B.S imeweka viwango vyakula vilivyo changanywa kama vile Broiler feedstaffs chicken feed stuffs na ambavyo havijachanganywa kama Blod meal fish meal bone meal.

Bw. Boki ambaye alifungua warsha hiyo badala ya mgeni rasmi Mkurugenzi Idara ya Kilimo (DLD) alisema kutokana na matatizo yaliyojitokeza ,sekta hiyo ya vyakula vya mifugo haiwezi kuendelea vizuri na kuleta ushindani muafaka.

Hata hivyo alisema kuwa inakisiwa kuwa hapa nchini viwanda vipatavyo 72 ambavyo hutengeneza vyakula vya mifugo (hasa kuku) huzalisha tani 320,000 wakati huo huo mahitaji ya vyakula hivyo ni tani 420,000.

Alisema bado kuna pengo la tani 100,000 ambalo lina takiwa lizibwe na watu wanaoshughulika na biashara hiyo.

"Wazalishaji wa vyakula vya kuku wamekuwa hawana umoja ambao utaongeza mshikamano katika kutatua matatizo yao kwa ujumla na hii imesababisha serikali hasa wizara ya kilimo na ushirika, kushindwa kuwasiliana nao vizuri ili kupata ufumbuzi wa baadhi ya matatizo"alisema.

Bwana Boki ameitaka serikali kushirikiana na washika dau kurekebisha sheria ambazo ni za zamani na zimepitwa na wakati na kuwataka wapange uthibiti huo utafanywaje.

Kigoma wafaidi misaada ya wakimbizi

Bidhaa ambazo zinauzwa na wakimbizi hao ni masufuria na maturubai ambayo hupewa kwa ajili ya kutengenezea mahema ya kujihifadhi. Masufuria hayo hununuliwa na wafanyabiashara wadogowadogo kwa shilingi 1,000- 1,500 ambapo wafanyabishara hao huyauza kati ya sh. 2000 - 4500 na maturubai yenye nembo ya Shirika la Kimataifa la Kuhudumia wakimbizi (UNHCR) huuzwa kati ya shilingi 11,000 - 25,000).

Wafanyabiashara hao maarufu kwa jina la machinga hufanyia biashara yao zaidi katika vituo vya gari moshi.

Hata hivyo mwandishi wa habari hizi alipokwenda kuulizia suala hili kwenye moja ya vituo vya kupokelea wakimbizi kinachoitwa Kibilizi, mmoja wa wahudumu katika kituo hicho alikiri kuwa ni kweli siku za nyuma wakimbizi walikuwa wakijiandikisha zaidi ya mara moja hiyo kujipatia vitu vya ziada vya kuweza kuuza.

Alisema baada ya ujanja huo kubainika hivi sasa kila mkimbizi anayeingia nchini kupitia katika kituo hicho anawekwa muhuri na muhuri huo unadumu zaidi ya miezi sita.

"Hata kama mhusika ataufuta, ni kwamba tuna tochi zetu maalum ambazo tunawamulika na kugundua muhuri huo" alisema muhudumu huyo ambaye alitakataa jina lake lisiandikwe gazetini kwa vile si msemaji.

Aliongeza "Siku za nyuma walikuwa wanatuchezea sana akiri kwani mtu aliweza kujiandikisha hata mara kumi,walikuwa wakibadilisha maji,leo ana jihita Amdani keshokutwa Amri na siku nyingine Lumata".

Bwana Mugumia alisema kuwa mkoa wake una rasilimali nyingi sana lakini tatizo lililopo ni kwamba wakazi wake hawajui namna ya kuzitumia.

Alitoa mfano wa miti ya michikichi ambapo alisema mkoa wake una michikichi ya kutosha lakini cha kushangaza na kusikitisha ni kwamba hakuna viwanda vya kukamua mafuta ya mawese na badala yake wanawake ndio wanaofanya kazi hii kwa kutumia mikono.

‘Tuna miwese mingi lakini hatuna viwanda vya kukamua mafuta ya mawese, wanawake ndio wamekuwa wakitumia mikono yao kukamua mawese na kuuza" alisema .

aliongeza wakazi wa mkoa huo hawana budi kuigia nchi jirani ya Burundi ambayo inakiwanda kikubwa cha kukamua mawese.

Mbali na hilo mkuu huyo wa mkoa wa Kigoma alisema kuwa anasikitishwa sana na hali za maisha ya watu wa mkoa huo japokuwa wanapata pesa nyingi kutoka katika sekta ya uvuvi lakini wanaishi katika maisha ya shida.

"Mwaka 1990-1995 sekta ya uvuvi Kigoma iliingiza bilioni 150 lakini hawa wavuvi vazi lao ni shuka, inasikitisha sana" alisema.

Alisema kuzingatia vizuri utumiaji wa rasilimali hizo mkoa huo utaweza kupigana kikamilifu na suala la Elimu linaloelekea kudumaa.

"Kigezo kinachoonyesha kuwa sisi tuko nyuma kielemu ni kwa vile hatuna shule nyingi, mtoto wa mkoa huu anapomaliza darasa la saba kama alama zake hazikufikia asilimia 70-80 hawezi kuchaguliwa kuendelea na sekondari" alisema.

Aliongeza "Katika mikoa yenye shule nyingi mwanafunzi wa darasa la Saba akipata pass Mark ya asilimia 50-60 kunauwezekano mkubwa wa kuchaguliwa kuendelea na masomo ya kidato cha kwanza" alisema.

Sabuni ya "Robarts" haimtakasishi mtu-Mwinjilisti

Alisema " Bwana Yesu akiingia kwako atakuosha kwanza na kukutakasa zaidi na bada ya hapo kila neno utakalolisema litakuwa na neema, busara, amani".

Alisema kuna watu wanaojifanya wanadini lakini matendo yao ni machafu"hii ni kwa sababu kila jema wanalotaka kulitenda halitendiki kwa vile hana roho wa Bwana , akiwa na roho wa Bwna atatenda mema.

Alisema wokovu siyo dini mpya bali ni nguvu ya Mungu inapokuja na kukaa kwa mtu na kumsafisha ." Kama ulikuwa na maneno machafu, nguvu hii itakusafisha ,msiwe na kristo wa kuigiza, kuvaa hirizi na vitu vya shetani, hirizi inafunga njia ya kwenda mbinguni"alisema.

Aliongeza kusema kuwa hata kama mtuasali mara 10 au zidi, lakini ajifikirie kuyaacha mawazo mabaya ambayo yanakwenda kinyume na neno Mungu.